Sunil Kumar Jashn
ḳhali paḌe the jaam nahin dekh paa.e ham
itni udaas shaam nahin dekh paa.e ham
ham par the munhasir ka.i nakam ishq bhi
apna tha jo bhi kaam nahin dekh paa.e ham
karna tha ehtimam-e-qaza zer-e-zindagi
itna bhi intizam nahin dekh paa.e ham
vo lab ki jin ka zikr hamesha labon pe tha
un par hi apna naam nahin dekh paa.e ham
vo jo ḳhumar-e-mir se ham ko ubhar le
aisa koi kalam nahin dekh paa.e ham
Leave a Reply