Poet
kha ke tegh-e-nigah-e-yar dil-e-zar gira
mardum-e-did pukare ki vo sardar gira
va.e-rusva.i-e-dil aam hui ishq ki bu
shisha-e-mushk baghal se sar-e-bazar gira
na uTha ḳhak-e-muzillat se kabhi misl-e-sarishk
jo nazar se tire ai shoḳh-e-jafa-kar gira
qadam andaze se bahar na kabhi rakh ai dil
jo chala dauḌ ke aḳhir dam-e-raftar gira
na-tavani ne bataya hai namazi mujh ko
main ka.i baar uTha aur ka.i baar gira
ishva o ghamza o andaz o ada hain qatil
kishvar-e-dil pe mire lashkar-e-jarrar gira
Leave a Reply