Tasneem Abidi
kavish-e-rozgar ne umr-e-ravan ko kha liya
dasht-e-sukut ne mire zamzama-ḳhvan ko kha liya
haa.e vo sub.h-e-bebasi haa.e vo sham-e-be-kasi
sa.at-e-bad ne is dafa azurdagan ko kha liya
tazkire rah ga.e faqat vo bhi hain kitni der tak
tu ne sukut-e-bekaran harf-o-bayan ko kha liya
kasa-e-vaqt men koi sikka-e-roz-o-shab kahan
bad-e-fana ne ḳhatra-e-sud-o-ziyan ko kha liya
hasti-e-ḳhush-guman sanbhal soch-samajh ke chaal chal
alam-e-nist ne har ik nam-o-nishan ko kha liya
ḳhema-e-vasl jal ga.e ham-rahi rah badal ga.e
aur shab-e-firaq ne qalb-e-tapan ko kha liya
Leave a Reply