Abid Malik
kaun kahta hai ki vahshat mire kaam aai hai
ye koi aur aziyyat mire kaam aai hai
yunhi main tairta phirta nahin sahraon men
ek dariya ki nasihat mire kaam aai hai
log divana samajhte hi nahin the mujh ko
miri bigdi hui halat mire kaam aai hai
varna jannat se kahan mujh ko nikala jaata
jo nahin ki vo ibadat mire kaam aai hai
akhir-e-kar tira hijr mayassar aaya
ab kahin ja ke mohabbat mire kaam aai hai
Leave a Reply