Shakeel Jazib
kaT na paa.e ye fasle bhi agar
aur us par ye rabte bhi agar
jo tumhari taraf nahin khulte
band nikle vo raste bhi agar
ḳhair ho teri be-niyazi ki
ab nahin ḳhud-parast the bhi agar
kya karenge siva.e ḳhvahish ke
mohlat-e-yak-nafs mile bhi agar
umr bhar ke ziyan ka mol nahin
chand lamhe chura liye bhi agar
ḳhun-baha kaun dega jazbon ka
ba.ad marne ke ji uThe bhi agar
kaun samjhega isti.aron ko
kuchh na bolenge hashiye bhi agar
Leave a Reply