kashmakash men zindagi uljhi rahi
ansuon se har ḳhushi uljhi rahi
dil ka rishta mustaqil gham ban gaya
dosti se dushmani uljhi rahi
ab vo ankhen band ho jaane ko hain
aas jin men aḳhiri uljhi rahi
fan havas-karon men aa kar luT gaya
ghunghruon se naghmagi uljhi rahi
jaam ankhon ke chhalakte rah ga.e
sagharon se mai-kashi uljhi rahi
vo to ai ‘nasrin’ ruḳhsat ho gaya
mujh se meri sha.iri uljhi rahi
Leave a Reply