aaj ki raat bhi phir khvab jagaen ge mujhe
phir vo karvat se khayalon ke tasalsul ko mitane ki kashid-e-koshish
jism ke dard ko silvat men samo ke
vahi bistar pe tadapte hue mahjuri-e-janan ko
kabhi aah kabhi saans ki gahrai men shal karne ki
sai-e-nakam
ye bhi maalum hai
ye niim rassi fahm ki divar talak jast
ye saae ki tasvir kisi shakl-o-shabahat ke tasalsul ke nishan hain lekin
na-suburi ye badan todti angdaiyan
honton pe mahakti larzish
baat ko rabt ke ahang men laane ki talab
mere siine ka dhuan ankhen sharabor kiye
har bun-e-mu ko mulaqat ka juuya kar de
aankh chadhte hue dariya ki tarah hai pur-ab
paanv phisle hai to phir saans ka rishta na rahe
ham to chahen magar is dil ko ye achchha na lage
jan-kani had se badhi charagaro kuchh to karo
Leave a Reply