Naseem Nikhat
‘ghalib’ ka rang ‘mir’ ka lahja mujhe bhi de
lafzon se khelne ka saliqa mujhe bhi de
teri navazishen hain har ik ḳhas-o-am par
dariya hai tera naam to qatra mujhe bhi de
sajdon ko mere phir tiri chaukhaT nasib ho
manzil talak pahunchne ka rasta mujhe bhi de
aḳhir miri dua se asar kyon chala gaya
meri bhi sun le ḳhushiyon ka tohfa mujhe bhi de
sab ki muraden aa.iin bhari sab ki jholiyan
daman mira hi ḳhali hai maula mujhe bhi de
Leave a Reply