Krishna Mohan
mila ek guuna sukun hamen jo tumhare hijr men ro liye
zara bar-e-qalb subuk hua ka.i daagh dard ke dho liye
ho nashat-e-dil ki malal-e-dil hamen pesh karna jamal-e-dil
kabhi hans ke phuul khila liye kabhi roke moti piro liye
hai rahin gham miri justuju ye hai kaisa gulshan-e-rang-o-bu
yahan kuchh gulo ki talash men ka.i ḳhaar main ne chubho liye
ka.i umr dauḌte-bhagte rahe yuun to shab ko bhi jagte
kabhi thak ga.e to Thahar ga.e kabhi niind aa.i to so liye
sabhi log mast-e-shu.ur hain ki ḳhudi ke nashshe men chuur hain
koi gham-shanas nahin yahan gham-e-dil kisi pe na kholiye
ye unhin ka nuur hai jis men ham chale hausle se qadam qadam
jo sarishk gham ke baha liye jo diye vafa ke sanjo liye
Leave a Reply