Mangna Kaam Mujh Sawali Ka

māñgnā kaam mujh savālī kā

baḳhshnā terī zāt-e-ālī kā

kyuuñ girāyā hai apnī nazroñ se

hukm kar de mirī bahālī kā

tū hī vo phuul hai jo hai mahbūb

patte patte kā Daalī Daalī kā

baat jo bhī kaho vo saaf kaho

kaam kiyā fazl-e-ehtimālī kā

jal bujhūñgā bhaḌak ke dam bhar meñ

maiñ huuñ goyā diyā divālī kā

‘nādir’ aisā kalām hai merā

saad hai jis pe lā-zavālī kā

Leave a Comment