abdul-rahman-khan-wasfi-bahraichi

Kash Samajhte Ahl-e-Zamana

kaash samajhte ahl-e-zamana

kya hai haqiqat kya hai fasana

ishq ka sheva husn ki fitrat

ek haqiqat ek fasana

rah-e-vafa dushvar bahut hai

soch samajh kar paanv badhana

tum na ho jis ke kaun ho us ka

jis ke hue tum us ka zamana

rahrav-e-rah-e-ishq-o-mohabbat

jaan to dena lab na hilana

pahlu-e-gul men khaar nihan hain

gulchin apna haath bachana

ham ne to ‘vasfi’ paaya hai un ko

jalva-ba-jalva khana-ba-khana

More Poems

Leave a Comment