karo saman jhule ka ki ab barsat aai hai
ghata umdi hai bijli ne chamak apni dikhai hai
agar jhule tu mere dil ke jhule men to ai zalim
rag-e-jan se tire jhule ko main rassi banai hai
yahan abr-e-siyah men aaj tere surkh jode ne
mujhe shaam o shafaq dast-o-gareban kar dikhai hai
idhar hai kirmak-e-shab-tab udhar jugnu gale ka hai
ye aalam dekh kar ye baat mere ji men aai hai
ba-qaul-e-hazrat-e-‘hatim’ ‘nisar’ us vaqt yuun kahiye
tiri qudarat ke sadqe kya tamashe ki khudai hai