Karb Kya Hai Tujhe Batata Hun

karb kyā hai tujhe batātā huuñ

dard bo kar maiñ ġham ugātā huuñ

ek dīdār ke liye un kī

dhuul āñkhoñ meñ Daal aatā huuñ

sher kahnā bahut hī mushkil hai

roz do paav ḳhuuñ jalātā huuñ

sirf kūza-garī kā māhir huuñ

sirf mūrat tirī banātā huuñ

ḳhuun niklegā terī āñkhoñ se

maiñ tujhe karbalā sunātā huuñ

hijr kahtā hai ḳhuun piinā hai

maas jabki use khilātā huuñ

ġhaur se sun adū ‘sahar’-jī ke

din meñ taare tujhe dikhātā huuñ

Leave a Comment