kar len samjhauta sabhi aaj ke halat se ab
sab ki pahchan hai pahchan ke isbat se ab
hai vajud us ka jo kaghaz pe kare sabit ye
ba.az auqat hai kaghaz baḌa auqat se ab
ya to tum baat karo phone pe ya chat karo
sab ko parhez hi rahta hai mulaqat se ab
ham bhi bhejenge emoji tum agar bhejoge
nisbat apni rahi bas itni hi jazbat se ab
phone ki batri na charge ho to mar jaa.en
farq paḌta nahin hai aur kisi baat se ab
ai ‘nava’ siikh jadid ab to rivayat sabhi
tujh ko hasil nahin hai kuchh bhi shikayat se ab
Leave a Reply