Poet
kar ke dil-e-nalan se mire saaz kisi ne
di hai mujhe parde se ye avaz kisi ne
is dil ka hai jo dard vahi jaan hai dil ki
samjha na kabhi ishq ka ye raaz kisi ne
va bab-e-qafas aur huun main bab-e-qafas par
jaise ki uḌa li par-e-parvaz kisi ne
taqdir men jo kuchh miri hansna hai ki rona
baḳhsha vahi dil ko mire andaz kisi ne
har ashk ka qatra tha fasana mire dil ka
dekha na mira dida-e-ghammaz kisi ne
di mujh ko taḌap vo bhi ba-qadr-e-dil-e-betab
main kya ki ye samjha na tira raaz kisi ne
har sher hai Duuba hua tasir men ‘kaifi’
baḳhsha hai mujhe ḳhama-e-e.ajaz kisi ne
Leave a Reply