allama-iqbal

Kamal-E-Tark Nahin Aab-O-Gil Se Mahjuri

kamal-e-tark nahin ab-o-gil se mahjuri

kamal-e-tark hai taskhir-e-khaki o nuuri

main aise faqr se ai ahl-e-halqa baaz aaya

tumhara faqr hai be-daulati o ranjuri

na faqr ke liye mauzun na saltanat ke liye

vo qaum jis ne ganvai mata-e-taimuri

sune na saqi-e-mehvash to aur bhi achchha

ayyar-e-garmi-e-sohbat hai harf-e-mazuri

hakim o aarif o suufi tamam mast-e-zahur

kise khabar ki tajalli hai ain-e-masturi

vo multafit hon to kunj-e-qafas bhi azadi

na hon to sehn-e-chaman bhi maqam-e-majburi

bura na maan zara aazma ke dekh ise

farang dil ki kharabi khirad ki mamuri

More Poems

Leave a Comment