Chand Nadi Mein Ubhra Hoga

chāñd nadī meñ ubhrā hogā

aur samundar jaltā hogā

hañste hañste yaad aayā hai

koī kahīñ par rotā hogā

pyāse mat lauTo sāhil se

naam nadī kā rusvā hogā

barsoñ ba.ad khulī hai khiḌkī

kaun galī meñ aayā hogā

jab ham tum paas aa jā.eñge

apne biich zamāna hogā

saa.e se bāteñ karne vaalā

socho kitnā tanhā hogā

us kashtī par kyā guzregī

jis ke haq meñ sahrā hogā

dīvāroñ par dhuul nahīñ hai

ghar meñ koī rahtā hogā

Leave a Comment