Raghunandan Sharma Danish
mere angan se ujala kya gaya
chhoḌ kar mujh ko mira saaya gaya
main ne dekha tha kisi ko Dubte
aur main bhi Dubte dekha gaya
dost ghar aaya tha aadhi raat men
mujh se darvaza nahin khola gaya
bhiiḌ se ḳhud ko bacha laaya tha main
aur apne aap se Takra gaya
Thiik se dikhta nahin paikar tira
tu mire nazdik itna aa gaya
badalon ko hai ḳhabar is baat ki
kaun kis dariya se kab pyasa gaya
Leave a Reply