kamal-e-shauq-e-safar bhi udhar hi jaata hai
kisi safar ka musafir ho ghar hi jaata hai
vo aadmi hi to hota hai gham ki shiddat se
hazar koshishen kar le bikhar hi jaata hai
vo hijr ho ki tire vasl ka koi lamha
vo mustaqil nahin hota guzar hi jaata hai
jo is se pahle bhi shishe men baal aaya ho
to dil kisi na.i ulfat se Dar hi jaata hai
chaḌha hua koi dariya ho ya ki nashsha ho
‘yashab’ kabhi na kabhi to utar hi jaata hai
Leave a Reply