Kamal-E-Shauq-E-Safar Bhi Udhar Hi Jata Hai

kamāl-e-shauq-e-safar bhī udhar hī jaatā hai

kisī safar kā musāfir ho ghar hī jaatā hai

vo aadmī hī to hotā hai ġham kī shiddat se

hazār koshisheñ kar le bikhar hī jaatā hai

vo hijr ho ki tire vasl kā koī lamha

vo mustaqil nahīñ hotā guzar hī jaatā hai

jo is se pahle bhī shīshe meñ baal aayā ho

to dil kisī na.ī ulfat se Dar hī jaatā hai

chaḌhā huā koī dariyā ho yā ki nashsha ho

‘yashab’ kabhī na kabhī to utar hī jaatā hai

Leave a Comment