Kam Se Kam Tazkira-E-Ishq Ka Unwan Ho Jae

kam se kam tazkira-e-ishq kā unvāñ ho jaa.e

dil huā hai jo pareshāñ to pareshāñ ho jaa.e

dekh aisā na ho ai shauq-e-shahādat ki kahīñ

husn kī hastī-e-mastūr numāyāñ ho jaa.e

aap kī shān-e-karam ke to yahī shāyāñ hai

aarzū munfa.il-e-tangī-e-dāmāñ ho jaa.e

baal bikhrā.e vo aate haiñ ayādat ko mirī

kahīñ shīrāza-e-hastī na pareshāñ ho jaa.e

Leave a Comment