Kam Nahin Hum Bujhte Kabe Se Maikhane Ke Tain

kam nahin ham bujhte kaabe se maikhane ke taiin

sajda ham karte hain juun mehrab paimane ke taiin

hai ye dil naseh butan ka jalva-gah is se na bol

tod mat sang-e-jafa se is pari-khane ke taiin

hijr men jiine se behtar hai halak-e-roz-e-vasl

ye tarah kya khuub raas aai hai parvane ke taiin

laiye mai karti hai taamir dil-ha-e-kharab

ta-abad rakhiyo khuda maamur maikhane ke taiin

uth gaya kahte hain divana ‘yaqin’ duniya se haae

un ne kya abad kar rakkha tha virane ke taiin

Leave a Comment