kal raat mere saath ajab hadisa hua
suraj pighal ke meri hatheli pe aa gira
dekhe hain meri ankhon ne manzar ajab ajab
ik peḌ mere shahr ka sayon ko kha gaya
sahra men aab aur samundar men ret hai
ya-rab main aaj kaun si duniya men aa gaya
kaisa tamasha dekha tha ham ne ye raat bhar
taare chamak rahe the magar asman na tha
rahzan to ḳhud hi Dar ke guphaon men chhup ga.e
ab rah-rau ko luTta phirta hai rasta
in sa.aton ko sub.h kahen bhi to kis tarah
suraj uga hua tha andhera chhaTa na tha
badal baras rahe hain musalsal magar ‘ḳhumar’
dariya tamam ḳhushk hain jharnon ko kya hua
Leave a Reply