aftab-shah-alam-sani

Kal Ka Wada Na Karo Dil Mera Bekal Na Karo

kal ka vaada na karo dil mira bekal na karo

kal padegi na mujhe mujh se ye kal kal na karo

kahin jala de na use shola-e-ah-e-ashiq

palkon ki tatti ke taiin ankhon ki ojhal na karo

kar chuki tegh-e-nigah kaam to pal hi men tamam

tiir palkon ka muqabil mire pal pal na karo

us ko har shab hai zaval us ko nahin hai kuchh naqs

badr ko chehre se us ke mutamassil na karo

dukh na paave kahin vo naznin-gardan pyare

takiya zinhar sar-e-balish-e-makhmal na karo

More Poems

Leave a Comment