ka.i dinon se use mujh se koi kaam nahin
yahi sabab hai ki mujh se dua salam nahin
abhi safar men huun chalna mira muqaddar hai
pahunch gaya huun jahan vo mira maqam nahin
faza kasif kiye ja rahe hain log magar
lagata un pe yahan par koi nizam nahin
vo lauTne ka bahana bhi DhunD sakta hai
ḳhayal hai mira lekin ḳhayal ḳhaam nahin
tumhare mahal ki buniyad men hain dafn magar
koi bhi mahal men leta hamara naam nahin
Leave a Reply