Kahte Hain Ki De Meri Bala Dad Kisi Ki

kahte hain ki de meri bala daad kisi ki

kanon ko maza deti hai fariyad kisi ki

rona hai tira kaam magar dida-e-tar dekh

tasvir-e-khyali na ho barbad kisi ki

karta huun gila un se jo virani-e-dil ka

kahte hain ye basti nahin abad kisi ki

abad khuda rakkhe tujhe ku-e-mohabbat

mitti nahin hoti yahan barbad kisi ki

kuchh aur to ham paas ‘mubarak’ nahin rakhte

rakhta hai tamanna dil-e-nashad kisi ki

Leave a Comment