Poet
kahne vaale kahte hain
dasht men pagal rahte hain
chand bhi sun ke jalta hai
chand se chehre hote hain
tera hansna dekhen to
mausam Thahra karte hain
zaḳhm lage hain phulon se
jin ko paani dete hain
ankhen meri sasti hain
aansu tere mahnge hain
us ke shahr ki barish men
phuul baraste rahte hain
ek nazar vo dekhen to
ham ankhen paḌh lete hain
chiḌiya tote mor aur vo
mujh ko apne lagte hain
un pe likkhe sher ‘iqra’
kuchh aur bhi achchhe hote hain
Leave a Reply