kahne sunne ka ajab donon taraf josh raha
shahr ki baton pe sahra hama-tan-gosh raha
ankhon ankhon men vazahat se hua kiin baten
chup na mahfil men vo baiTha na main ḳhamosh raha
rakh diya vaqt ne a.ina bana kar mujh ko
ru-ba-ru hote hue bhi main faramosh raha
muddaton ba.ad naqab us ne uTha.i ruḳh se
sar-ba-sar sho.ala vo nikla jo siyah-posh raha
Thahra iz.har ki hasrat ko chhupana mushkil
ban gaya bolti tasvir jo ḳhamosh raha
dhuup ki thi jahan faslon ko zarurat ‘rahi’
badalon men vahin suraj kahin ru-posh raha
Leave a Reply