kahin ummid si hai dil ke nihan khane men
abhi kuchh vaqt lagega use samjhane men
mausam-e-gul ho ki patjhad ho bala se apni
ham ki shamil hain na khilne men na murjhane men
ham se makhfi nahin kuchh rahguzar-e-shauq ka haal
ham ne ik umr guzari hai hava khane men
hai yunhi ghumte rahne ka maza hi kuchh aur
aisi lazzat na pahunchne men na rah jaane men
nae divanon ko dekhen to khushi hoti hai
ham bhi aise hi the jab aae the virane men
mausamon ka koi mahram ho to us se puchho
kitne patjhad abhi baaqi hain bahar aane men
Leave a Reply