Kahin Raaz-E-Dil Ab Ayan Ho Na Jae

kahīñ rāz-e-dil ab ayaañ ho na jaa.e

nigāh-e-mohabbat zabāñ ho na jaa.e

vo kuchh mehrbāñ se nazar aa rahe haiñ

kahīñ vaqt nā-mehrbāñ ho na jaa.e

chhupātā to huuñ dil kī hālat ko lekin

kisī kī nazar rāzdāñ ho na jaa.e

koī pursish-e-hāl ko aa rahā hai

ġham-e-ārzū phir javāñ ho na jaa.e

zamāne meñ ab mere charche haiñ ‘muztar’

mirī zindagī dāstāñ ho na jaa.e

Leave a Comment