Kahin Aisa Na Ho Daman Jala Lo

kahīñ aisā na ho dāman jalā lo

hamāre āñsuoñ par ḳhaak Daalo

manānā hī zarūrī hai to phir tum

hameñ sab se ḳhafā ho kar manā lo

bahut roī huī lagtī haiñ āñkheñ

mirī ḳhātir zarā kājal lagā lo

akele-pan se ḳhauf aatā hai mujh ko

kahāñ ho ai mire ḳhvābo ḳhayālo

bahut māyūs baiThā huuñ maiñ tum se

kabhī aa kar mujhe hairat meñ Daalo

Leave a Comment