Kahani Kuchh Bhi Nahin Thi Bayan Ziyaada Tha

kahānī kuchh bhī nahīñ thī bayāñ ziyāda thā

zarā sī aag lagī thī dhuāñ ziyāda thā

vo kārvāñ meñ na thā aisī koī baat nahīñ

bichhaḌ gayā thā ki vo bad-gumāñ ziyāda thā

bas is sabab se na raas aa sakī hameñ ye zamīñ

ki apne zehn meñ ye āsmāñ ziyāda thā

maiñ us ke saath safar kar sakā na duur talak

ki lafz lafz vo mujh par ayaañ ziyāda thā

to is meñ kyā hai ta.ajjub hue jo aap tabāh

‘obaid’ aap pe vo mehrbāñ ziyāda thā

Leave a Comment