kahan le jaegi dekhun ye meri aarzu mujh ko
liye phirti hai har janib tumhari justuju mujh ko
bar aati aarzu muddat pe mujh bargashta-kismat ki
bulate apni mahfil men agar tum ru-ba-ru mujh ko
mohabbat aisi shai hai jis se baaz aae koi ashiq
pasand aati nahin naseh tumhari guftugu mujh ko
tadap kar jism-e-khaki se nikal jaati ye jaan apni
na samjhati shab-e-furqat jo teri aarzu mujh ko
mohabbat men kisi gul ke jala jaata hai dil apna
‘jamila’ misl-e-shabnam ho gai rone ki khu mujh ko
Leave a Reply