kahan kisi pe ye ehsan karne vaala huun
main apne aap ko hairan karne vaala huun
ajiib rang ki khushbu hai mere kiise men
main shahr bhar ko pareshan karne vaala huun
khila rahega kisi yaad ke jazire par
ye baagh main jise viran karne vaala huun
duaen mangta huun sab ki zindagi ke liye
aur apni maut ka saman karne vaala huun
kuchh aur tarah ki mushkil men dalne ke liye
main apni zindagi asan karne vaala huun
Leave a Reply