Kahan Hai Aa Ja

rahat-e-banda-e-be-dam kahan hai aa ja

paikar-e-husn sar-e-bam kahan hai aa ja

raunaq-e-bazm hai o jaam kahan hai aa ja

zinat-e-jalva-gah-e-am kahan hai aa ja

ai umid-e-dil-e-na-kam kahan hai aa ja

teri furqat khalal-andaz-e-sukun-e-paiham

teri furqat dil-e-mayus pe ik turfa sitam

teri furqat sabab-e-kavish-o-bedari-e-gham

tu nahin hai to phir aram kahan hai aa ja

shahid-e-aur-e-siyah-bakht o shab-e-tar huun main

khugar-e-nala-e-lazzat-kash-e-avaz huun main

dam-e-tufan-e-havadis men giraftar huun main

roz-o-shab muntazir-e-did-e-rukh-e-yar huun main

dil hai vaqf-e-gham-e-alam kahan hai aa ja

shoala-e-bar-kaf-e-gul dagh-e-jigar tere baghair

khar-bardosh hai daman-e-nazar tere baghair

khun-fishan hai shab-e-gham dida-e-tar tere baghair

chalan aata hi nahin sham-o-sahar tere baghair

muntazir huun sahar-o-sham kahan hai aa ja

daur-e-tariki-e-gham se shab-e-tanhai se

dam-ba-dam josh-e-junun ki sitam-arai se

kaaba-o-dair-o-kalisa ki jabin-sai se

khauf-e-majburi-o-nakami-o-rusvai se

ishq hai larza-bar-andam kahan hai aa ja

muntashir hone lagi anjuman-e-naz-e-hayat

ban gaya khvab har ik manzar-e-aghaz-e-hayat

dam-shikasta sa nazar aane laga saz-e-hayat

ab koi dam men hua jaata hai va raz-e-hayat

aa gaya nazaa ka hangam kahan hai aa ja

Leave a Comment