akbar-hameedi

Kafir Tha Main Khuda Ka Na Munkir dua Ka Tha

kafir tha main ḳhuda ka na munkir dua ka tha

lekin yahan saval shikast-e-ana ka tha

kuchh ishq-o-ashiqi pe nahin mera e’tiqad

main jis ko chahta tha hasin intiha ka tha

jal kar gira huun sukhe shajar se uḌa nahin

main ne vahi kiya jo taqaza vafa ka tha

tarik raat mausam-e-barsat jan-e-zar

girdab pichhe samne tufan hava ka tha

ik umr ba.ad bhi na shifa ho sake to kya

rag rag men zahr sadiyon ki ab-o-hava ka tha

go rahzan ka vaar bhi kuchh kam na tha magar

jo vaar kargar hua vo rahnuma ka tha

‘akbar’ jahan men kar-kushai buton ki thi

achchha raha jo manne vaala ḳhuda ka tha

More Poems

Leave a Comment