Kade Kos

harf

goyai ki zanjir men jab qaid hua

ism bana

ahd bana

nazm bana

qissa-e-kam-o-dahan ka gham-e-matlub bana

khub-o-na-khub bana

harf-e-na-gufta

magar zehn ka azar bana

dil ki divar bana

rah-e-dushvar bana

qissa-e-shauq ki varafta kahani na bana

hila-e-vasl ki gham-dida nishani na bana

vaar hai manzil-e-goyai

sabhi jante hain

harf-e-na-gufta ke ye zakhm magar mere hain

jin ko tanhai miri

mujh se siva janti hai

A distance of two miles

Leave a Comment