Suleman Khumar
kachoke dil ko lagata hua sa kuchh to hai
ye raat raat jagata hua sa kuchh to hai
karishma ye tire alfaz ka nahin phir bhi
faza men zahr ugata hua sa kuchh to hai
agar ye maut ka saaya nahin to phir kya hai
qadam qadam pe bulata hua sa kuchh to hai
na jaag uTha ho kahin biiti umr ka lamha
ragon men shor machata hua sa kuchh to hai
ta.alluqat ki ḳhushbu ki rishta-e-mazi
tumhari bazm se jaata hua sa kuchh to hai
ik ehtimam-e-ḳhususi ke bavajud ‘ḳhumar’
ye faslon ko baḌhata hua sa kuchh to hai
Leave a Reply