Sufi

Kabhi Zakhm Zakhm Nikhar Ke dekh Kabhi dagh dagh Sanwar Ke dekh

kabhi zaḳhm zaḳhm nikhar ke dekh kabhi daagh daagh sanvar ke dekh

kabhi tu bhi TuuT miri tarah kabhi reza reza bikhar ke dekh

sar-e-ḳhar se sar-e-sang se jo hai mera jism lahu lahu

kabhi tu bhi to mire sang-e-mil kabhi rang mere safar ke dekh

isi khel se kabhi paega tu gudaz-e-qalb ki ne.amaten

kabhi ruuTh ja kabhi man ke dekh kabhi jiit ja kabhi har ke dekh

ye paḌi hain sadiyon se kis liye tire mere beach judaiyan

kabhi apne ghar tu mujhe bula kabhi raste mire ghar ke dekh

tujhe aine men na mil sakega tiri adaon ka bankpan

agar apna husn hai dekhna to miri ghazal men utar ke dekh

vahi mera dard ravan-davan vahi tera husn javan javan

kabhi ‘mir’-o-‘dard’ ke bait paḌh kabhi sher ‘dagh’-o-‘jigar’ ke dekh

More Poems

Leave a Comment