Bashir Badr
kabhi to shaam dhale apne ghar gae hote
kisi ki aankh men rah kar sanvar gae hote
singar-dan men rahte ho aaine ki tarah
kisi ke haath se gir kar bikhar gae hote
ghazal ne bahte hue phuul chun liye varna
ghamon men duub kar ham log mar gae hote
ajiib raat thi kal tum bhi aa ke laut gae
jab aa gae the to pal bhar thahar gae hote
bahut dinon se hai dil apna khali khali sa
khushi nahin to udasi se bhar gae hote
Leave a Reply