kabhi main ne unhen puchha nahin hai
unhen bhi hai mohabbat ya nahin hai
ijazat ho to main ye arz kar duun
saliqa aap ka achchha nahin hai
vahi chhaya hua hai zindagi par
vo jis ko aaj tak dekha nahin hai
sitam alam mahrumi tabahi
miri taqdir men kya kya nahin hai
abhi kuchh aur bhi jaur-o-sitam huun
abhi sadmon se dil TuuTa nahin hai
na jaane kis ghaḌi chhin jaa.e mujh se
ye zalim jism bhi mera nahin hai
miri taqdir hi men Thokaren thiin
mujhe duniya se kuchh shikva nahin hai
ajab insan hai duniya men vo bhi
sada-e-vaqt jo sunta nahin hai
kahan rahte ho ‘asi’ aj-kal tum
ka.i din se tujhe dekha nahin hai
Leave a Reply