Sufi

Kisi Maqam Pe Hum Ko Bhi Rokta Koi

kisi maqam pe ham ko bhi rokta koi

magar udaae liye jaati hai hava koi

tamam-umr na mujh ko mila vajud mira

tamam-umr mujhe sochta raha koi

mujhe samet lo ya phir uda ke le jaao

ye kah ke rah-e-talab men bikhar gaya koi

yunhi sadaen na do khamushi ke sahra men

hava chalegi to aa jaegi sada koi

kisi ko apni nigahon pe eatibar na tha

hamen hamari tarah kaise dekhta koi

hazar sang hain rahon men ab bhi soe hue

ye aur baat hai ham ko jaga gaya koi

badan ke dasht ko ham jis se paar kar lete

kahin mila na hamen aisa rasta koi

main band kamre men khamosh rah to sakta huun

mire badan men agar ghut ke mar gaya koi

More Poems

Leave a Comment