hijr men guzri hai us raat ki baten na karo
aap tajdid-e-mulaqat ki baten na karo
dil ne har daur men duniya se baghavat ki hai
dil se tum rasm-o-rivayat ki baten na karo
himmaten qafile valon ki na hon past kahin
rahrav-e-gardish-e-halat ki baten na karo
chahiye josh-e-talab mere shikasta-dil ko
aise halat men sadmat ki baten na karo
zindagi aur bhi tashrih-talab hai yaaro
gham ke tapte hue lamhat ki baten na karo
kitne hi zakhm hare hain mire siine men ‘niyaz’
aap ab mujh se inayat ki baten na karo
Leave a Reply