Chandrabhan Khayal
kabhi jo shab ki siyahi se na-gahan guzre
ham ahl-e-zarf har ik soch par garan guzre
nigah-o-dil se miTa den jo tishnagi ka azaab
vo abshar ke dhare abhi kahan guzre
gham afrin tha musalsal sukut-e-shahar-e-habib
ham is gali se magar phir bhi shadman guzre
shikastagi ki tilismi faza na.i to nahin
yahan to aise ka.i daur imtihan guzre
nazar men shoḳh shabihen liye hue hai sahar
abhi na koi idhar se dhuan dhuan guzre
tamam koh kashakash tha mere sar pe ‘ḳhayal’
agarche aur bhi duniya men saḳht jaan guzre
Leave a Reply