kabhi daman-e-dil par dagh-e-mayusi nahin aaya
idhar va.ada kiya us ne udhar dil ko yaqin aaya
mohabbat-ashna dil maz.hab-o-millat ko kya jaane
hui raushan jahan bhi sham-e-parvana nahin aaya
do-alam se guzar ke bhi dil-e-ashiq hai avara
abhi tak ye musafir apni manzil par nahin aaya
miri janib se un ke dil men kis shikve pe kiina hai
vo shikva jo zaban par kya abhi dil men nahin aaya
hayat-e-be-ḳhudi kuchh aisi na-mahsus thi ‘natiq’
ajal aa.i to mujh ko apni hasti ka yaqin aaya
Leave a Reply