Kabhi Bahut Hai Kabhi Dhyan Tera Kuchh Kam Hai

kabhi bahut hai kabhi dhyan tera kuchh kam hai

kabhi hava hai kabhi andhiyon ka mausam hai

abhi na toda gaya mujh se qaid-e-hasti ko

abhi sharab-e-junun ka nasha bhi maddham hai

ki jaise saath tire zindagi guzarti ho

tira khayal mire saath aaise paiham hai

tamam fikr-e-zaman-o-makan se chhut gai

siyah-kari-e-dil mujh ko aisa marham hai

main khud musafir-e-dil huun use na rokungi

vo khud thahar na sakega jo qaidi-e-gham hai

vo shauq-e-tez-ravi hai ki dekhta hai jahan

zamin pe aag lagi asaman barham hai

Leave a Comment