Poet
ka.abe ko jaa.en kis liye aur kyuun kunisht ko
pahunchin yahin se bandagiyan sang-o-ḳhisht ko
gar husn-e-gandumi tira un ko na tha pasand
aadam ne chhoḌa kis liye bagh-e-bahisht ko
hai mere aage ek gul-o-ḳhar-o-nek-o-bad
allah ne banaya hai har ḳhub-o-zisht ko
barish zarur chahiye abr-e-fareb ki
shatranj saan jo chahe koi sabz-e-kisht ko
laaya ḳhuda jo ba.ad-e-anasir zuhur men
qaa.em kiya hai mujh se par un ki sarisht ko
likkha ḳhat-e-shikasta men hai yak-qalam vaqar
munshi-e-asman ne miri sarnavisht ko
Leave a Reply