Anwar Masood
kab talak yuun dhuup chhanv ka tamasha dekhna
dhuup men phirna ghane peḌon ka saaya dekhna
saath us ke koi manzar koi pas-e-manzar na ho
is tarah main chahta huun us ko tanha dekhna
raat apne dida-e-giryan ka nazzara kiya
kis se puchhen ḳhvab men kaisa hai dariya dekhna
is ghaḌi kuchh sujhne degi na ye pagal hava
ik zara andhi guzar jaa.e to huliya dekhna
khul ke ro lene ki fursat phir na us ko mil saki
aaj phir ‘anvar’ hansega be-tahasha dekhna
Leave a Reply