kab tak mahkegi be-as gulabon men
mar ja.egi ḳhushbu band kitabon men
kabhi darun-e-zat ke manzar the in men
kankar hi kankar hain ab talabon men
haath lagate hi miTTi ka Dher hue
kaise kaise rang bhare the ḳhvabon men
girti jaa.e rishton ki mazbut fasil
naḳhlistan badalta jaa.e sarabon men
zehnon men tashvish dilon men ḳhauf bahut
saari basti hai mahsur azabon men
aa.i hisabon men jab duniya ki tasḳhir
ik lamha gha.eb tha sabhi hisabon men
Leave a Reply