Nami Ansari
palaT kar dekh lena jab sada dil ki suna.i de
meri avaz men shayad mira chehra dikha.i de
mohabbat raushni ka ek lamha hai magar chup hai
kise sham-e-tamanna de kise dagh-e-juda.i de
chubhen ankhon men bhi aur ruuh men bhi dard ki kirchen
mira dil is tarah toḌo ke a.ina badha.i de
khanak uTThen na palkon par kahin jalte hue aansu
tum itna yaad mat aao ke sannaTa duha.i de
rahega ban ke bina.i vo murjha.i si ankhon men
jo buḌhe baap ke hathon men mehnat ki kama.i de
mire daman ko vus.at di hai tu ne dasht-o-dariya ki
main ḳhush huun dene vaale tu mujhe katra ke raa.i de
kisi ko maḳhmalin bistar pe bhi mushkil se niind aa.e
kisi ko ‘naqsh’ dil ka chain TuuTi charpa.i de
Leave a Reply