Sabir Zafar
kaam itni hi faqat rahguzar aa.egi
ham-safar ja.ega aur yad-e-safar aa.egi
duur tak ek ḳhala hai so ḳhala ke andar
sirf tanha.i ki surat hi nazar aa.egi
main ne socha tha magar ye to nahin socha tha
tirgi ruuh ke angan men utar aa.egi
jagne vaala koi soya hamesha ke liye
ab to matam hi karegi jo sahar aa.egi
ik ajab bu-e-nafas aati hai divaron se
aur kuchh roz men ye bhi na idhar aa.egi
haa.e kya log the zindan men bhi ham se pahle
ik din is yaad ki surat bhi bikhar aa.egi
paḌh raha huun main ‘zafar’ us ke bichhaḌne ki ḳhabar
aur kuchh roz men apni bhi ḳhabar aa.egi
Leave a Reply